ញាក់សាច់! កឺកឺរូបសង្ហា Xu Kai កើបលុយបាន ៩ ម៉ឺនដុល្លារភ្លាមៗ ត្រឹមរយៈពេល២០នាទីប៉ុណោះ

Xu Kai គឺជាកំពូលតារាសម្ដែងប្រុសរូបសង្ហាម្នាក់របស់ចិន ដែលមានអាយុក្រោម ៣០ ឆ្នាំ ​ថែមទាំងមានប្រវត្តិគួរឱ្យ​ចាប់អារម្មណ៍ខ្លាំង​ផងដែរ ​ចាប់តាំងពីចូលប្រឡូក​ក្នុងអាជីពសម្ដែង​​អស់​រយៈ​ពេល ​៤ ឆ្នាំ កន្លងមកនេះ។
បើនិយាយដល់ការរកចំណូលរបស់លោក បានមកពីការថតសម្ដែងក្នុងរឿងភាគ និង កម្មវិធីផ្សេងៗជាច្រើន ​អាចរកបានប្រាក់​ចំណូលច្រើន​គួរសមដែរ ​ជាមួយនឹងភាពជោគជ័យកាន់តែខ្លាំង ក្នុង​នាម​ជាតារាសម្តែងនាបច្ចុប្បន្ន។

យ៉ាងណាមិញ ពេលមិនសូវរវល់ក្នុងការថតសម្ដែងរឿង ​តារាប្រុសរូបនេះ​ភាគច្រើនតែងតែម​មាញឹកខ្លាំងក្នុងការចូលរួមកម្មវិធី​បង្ហាញម៉ូដ ​និង ​ថតផ្សាយពាណិជ្ជកម្ម។ ​ជាក់ស្តែងកាលពីកន្លង​ទៅនេះ តារាប្រុសវ័យ ២៦ ឆ្នាំរូបនេះ តែងបានបង្ហាញខ្លួនក្នុងព្រឹត្តិការណ៍ផ្សេងៗទាក់ទាញមនុស្សយ៉ាងច្រើនកុះករ ព្រមទាំងមានជាកម្មវិធីជំនួបក្រុមអ្នកគាំទ្រ ជាមួយការចែកជាកាដូអនុស្សាវរីយ៍​ដល់​ហ្វេនៗ​​របស់លោកផងដែរ។

កាន់តែឡើងកូដខ្លាំង ស្រាប់តែមានគេចេញមកទម្លាយពីការរកប្រាក់ចំណូលរបស់ Xu Kai ថា លោកអាចរកបានប្រមាណជិត ៩ ម៉ឺនដុល្លារ ក្នុងកម្មវិធីមួយ​រយៈ​ពេល ​២០ នាទី ឬ ៥ ពាន់ដុល្លារ ក្នុងរយៈពេល ១ នាទី។
ទោះបីជាតម្លៃខ្លួនរបស់លោកមើលទៅស៊ីថ្លៃខ្ពស់ហួសពេកក៏ដោយ ប៉ុន្តែតារាប្រុសរូបនេះនៅតែកាត់ភាគរយលើការបង់ពន្ធ ហើយមួយ​ចំណែកទៀតទៅ​លើទី​ភ្នាក់​ងារចាត់ការផ្ទាល់​របស់​លោក ​ដូច្នេះ Xu Kai ​ក៏មិនអាចដាក់​ចូលហោប៉ៅ​ខ្លួនបាន​ច្រើននោះដែរ៕​

Related posts

Leave a Comment