ទម្លាយតម្លៃក្រវិល ចិញ្ចៀន និង ខ្សែដៃរបស់ ជី ដេវីដ ពាក់ថ្ងៃ PMA 2022 មួយៗថ្លៃកប់ក្តោង

កាលពីរាត្រីថ្ងៃទី ១៩ ខែមីនា ឆ្នាំ ២០២២ កន្លងទៅនេះ ក្នុងកម្មវិធីប្រគល់ពានរង្វាន់ដ៏អស្ចារ្យ Pleng Music Awards 2022 ដែលបានរៀបចំឡើងយ៉ាងធំ និង មានការដើរកម្រាល​ព្រំក្រហមនៅកម្ពុជានោះ ​ពិតជាបានអង្រួន​បេះដូងមហាជនអ្នកគាំទ្រ​មានការរំភើបចិត្តខ្លាំង ជាមួយនឹងវត្តមាន​របស់អ្នកសិល្បៈ ​ក៏ដូចជា Influencer ល្បីៗ​ប្រចាំ​ប្រទេសជាច្រើនរូប។

ជាមួយនឹងការបង្ហាញខ្លួនរបស់តារា និង Influencer ​ល្បីៗ គ្រងដោយឈុត​សម្លៀកបំពាក់ដ៏ទាក់ទាញ​ច្នៃឡើងយ៉ាងស្រស់ស្អាត​ប្រណីតរៀងៗខ្លួន ​ដើរ​ប្រជែង​សម្រស់​គ្នាលើកម្រាលព្រំក្រហមយ៉ាងជឿជាក់ និង លេចធ្លោទាក់ភ្នែកខ្លាំងនោះ វាគឺជាព្រឹត្តិការណ៍ប្រចាំឆ្នាំមួយមិនអាចបំភ្លេចបាន។

ដោយឡែក បើចាប់អារម្មណ៍ចំពោះតារាចម្រៀងប្រុសល្បីឈ្មោះ ជី ដេវីដ ក៏បានឃើញវត្តមានចូលរួមក្នុងកម្មវិធីដ៏ធំនេះដែរ ដោយលោកបានដឹកដៃគូស្នេហ៍ កញ្ញា ទេព បូព្រឹក្ស ចូលរួមជាតារាកិត្តិយស និង មានសម្ដែងទស្សនីយភាពពិសេសៗផងដែរ។

អ្វីដែលកាន់តែពិសេសនោះ ក្រឡេកទៅមើលការតុបតែងខ្លួនរបស់ លោក ជី ដេវីដ ដើរលើកម្រាលព្រំក្រហមនេះវិញ ពិតជាជះរាងសង្ហា និង មានភាពអភិជនខ្លាំង​ជាមួយ​នឹង​ឈុតពណ៌ត្រួយចេករំលេចជាមួយគ្រឿងអលង្ការស្ទើរស្រោចខ្លួន ច្នៃពី​ពេជ្រយ៉ាងស្រស់​ស្អាតទាក់ទាញខ្លាំង ​ដែលត្រូវបានមហាជនអ្នកគាំទ្រ​មានការចាប់អារម្មណ៍ និង សរសើរខ្លាំង​ពីស្ទីលថ្មីរបស់​លោកក្នុងមួយឈុតនេះផងដែរ។

សម្រាប់គ្រឿងអលង្ការរបស់តារាប្រុសល្បីរូបនេះវិញ ត្រូវបានគេរំពឹងមានតម្លៃរាប់ម៉ឺនដុល្លារ បើបូកសរុបមួយតួខ្លួន។ ជាក់ស្តែង បើក្រឡេកទៅមើលក្រវិលដែល ជី ដេវីដ ពាក់នៅត្រចៀកខាងស្តាំ គឺមានតម្លៃ ១៨៩០ ដុល្លារ និង ក្រវិលដែលពាក់នៅត្រចៀកខាងឆ្វេង គឺមានតម្លៃ ១០២០ ដុល្លារ។ ចំណែកឯចិញ្ចៀនមួយវង់ដែល ជី ដេវីដ ពាក់នៅដៃស្តាំលើម្រាមកណ្តាល គឺមានតម្លៃ ១៦៩០ ដុល្លារ។ រីឯខ្សែដៃតូចមួយខ្សែពាក់នៅលើ-កដៃស្តាំ គឺមានតម្លៃ ៣៣០០ ដុល្លារឯណោះ។ នេះបើតាមការដកស្រង់តម្លៃចេញពី Telegram របស់ហាងលក់គ្រឿងអលង្ការ សេង ចិន្តា៕

Related posts

Leave a Comment