ទម្លាយតម្លៃឈុតមួយតួខ្លួនរបស់ Baifern ​គ្រងជា​ទេពធីតា​សង្ក្រាន្ត ​ឆ្នាំខាល​

នៅថ្ងៃទី ០៨ ខែមេសា ឆ្នាំ២០២២ ក្នុងព្រឹត្តិការណ៍ Iconic Songkran Festival បានប្រារព្ធធ្វើឡើងនៅផ្សារទំនើប Icon Siam ក្នុងទីក្រុងបាងកក ប្រទេសថៃ។ ក្នុង​នោះ ​មនុស្សម្នាជា​ច្រើន បាន​ផ្តោតការចាប់​អារម្មណ៍ខ្លាំងទៅ​លើតួអង្គតែង​ខ្លួនជាទេព​ធីតាសង្ក្រាន្តឆ្នាំថ្មី ​ឆ្នាំខាល ​ព្រះនាង ករិណីទេវី ​គឺតារាសម្ដែង​ស្រី Baifern Pimchanok។

សម្រាប់ការបង្ហាញវត្តមានក្នុងព្រឹត្តិការណ៍នេះ Baifern បានធ្វើឱ្យអ្នកគាំទ្រព្រឺសម្បុរចំពោះការរៀបចំតុប​តែងខ្លួន ​គ្រងក្នុងឈុត​សម្លៀកបំពាក់​បែបបុរាណ ​យ៉ាងស្រស់​ស្អាត​ផូផង់ ​គួរឱ្យឈ្លក់វង្វេង។ ចំពោះឈុតទេពធីតាសង្ក្រាន្តមួយតួខ្លួន ដែលតារាស្រីរូបនេះបានគ្រងនេះ បើតាមការបង្ហើបឱ្យដឹងមានតម្លៃរហូតដល់ ៥៩៦០០ដុល្លារ ច្នៃ​ឡើង​យ៉ាងល្អឥតខ្ចោះ ទាំងគ្រឿងអលង្ហារលម្អខ្លួនផ្សេងៗ បើធៀបនឹងឈុតទេពធីតាកាលពី ៣ឆ្នាំមុន។

គួរបញ្ជាក់ផងដែរថា ក្នុងឆ្នាំ ២០១៩ តារាស្រីកើតឆ្នាំ ១៩៩២ រូបនេះ បានធ្វើឱ្យបណ្តាញសង្គមកក្រើកម្ដងរួចមកហើយ ដោយនាងបានតុបតែងខ្លួនជាទេពធីតាសង្ក្រាន្ត។ សម្រស់រូបរាងរបស់នាងនៅ​ពេលនោះ ​បានធ្វើឱ្យអ្នក​គាំទ្ររាប់លាន​សរសើរមិ​ន​ដាច់។ ​ហើយក្នុងឆ្នាំ ​២០២២នេះ ​កម្មវិធីសង្ក្រាន្តក្នុង​ប្រទេសថៃ ​សម្រស់របស់ ​Baifern ក៏ស្រស់មានស្នេហ៍មិនចាញ់ឆ្នាំមុនៗដែរ៕

Related posts

Leave a Comment