ទៀតហើយ! Pum pui ត្រូវមហាជនផ្ទុះការរិះគន់បែកផ្សែង បន្ទាប់ពីនាងប្រើពាក្យមិនសម បង្ហោះក្នុង TikTok

ដូចដែលប្រិយមិត្តដឹងហើយថា តារាស្រី Pum Pui ដែលជាប្រពន្ធរបស់តារាប្រុសរូបសង្ហា Gavin តែងតែត្រូវបានមហាជនអ្នកគាំទ្រកើតក្ដីមិនពេញចិត្ត ព្រមទាំងរិះគន់នាងមកជារឿយៗ មិនថាតារាស្រីរូបនេះធ្វើអ្វីនោះទេ តែងត្រូវបានពួកគេលើកជាប្រធានបទវិភាគវែកញែកមករហូត។

តួយ៉ាងកាលពីថ្ងៃទី ២៤ ខែមីនា ឆ្នាំ ២០២២ កន្លងទៅនេះ តារាស្រី Pum Pui ក៏បានចេញមកបង្ហោះវីដេអូមួយដោយបីកូន ដើម្បីនឹងទៅចាក់វ៉ាក់សាំង។ ជាមួយគ្នានោះ នាងក៏បានយកវីដូអូនោះទៅបង្ហោះលើគណនី Tik Tok បន្តទៀតដោយបានសរសេរ Caption បែបលេងសើចមួយឃ្លាថា ៖ «អ្នកណាហ៊ានតែវាយកូនអញ អញនឹងទះវាហើយ»។

បន្ទាប់ពីវីដេអូនោះបង្ហោះទៅ បន្តិចក្រោយមកគេក៏ឃើញមានមហាជនជាច្រើនបានចូលទៅខមមិនថាឱ្យនាងជុំវិញការប្រើប្រាស់ពាក្យសម្ដីសរសេរ Caption ដែលពួកគេមើលទៅហាក់មិនស័ក្តិសមឡើយ។ ក្រោយពីផ្ទុះការរិះគន់ខ្លាំងមក តារាស្រី Pum Pui ក៏បានចេញមកបកស្រាយផងដែរថា ការសរសេរនោះគ្រាន់តែជាការលេងសើចរបស់នាងតែប៉ុណ្ណោះ នាងពុំមានចេតនាណាមួយដែលនាំឱ្យប៉ះពាល់ទៅកាន់នរណាម្នាក់នោះឡើយ។

ជាមួយគ្នានោះ នាងក៏បានបន្ថែមពីលើរឿងដែលនាងមិនព្រមបង្ហាញមុខកូនឱ្យមហាជនឃើញ តែបែរជាបង្ហោះរូបភាព ព្រមទាំងវីដេអូនេះឡើងផងដែរថា ៖ «​សូមឱ្យមហាជនយល់ពីនាង ព្រោះថាខណៈនេះនាងព្យាយាមនៅកណ្ដាលមិនចង់ឱ្យនរណាម្នាក់មករិះគន់ឡើយ ដោយហេតុថានាងជាអ្នកសិល្បៈ រីឯកូនរបស់នាងពុំពាក់ព័ន្ធនឹងអាជីពទាំងនេះទេ ហើយទង្វើដែលនាងធ្វើនេះគឺវាល្អបំផុតហើយសម្រាប់កូនរបស់នាង រីឯអ្នកដែលនិយាយថានាងនឹងបញ្ចេញមុខកូនទាល់តែកូនអាយុ ១៨ ឆ្នាំនោះ វាមិនពិតទេ អ្វីដែលសំខាន់ទោះកូននាងអាយុប៉ុន្មានក៏ដោយឱ្យតែគេយល់ពីការប្រើប្រាស់បណ្ដាញសង្គម និយាយយល់គ្នានោះនាងនឹងបង្ហាញហើយ»៕

Related posts

Leave a Comment