ធ្ងន់-កហើយ! បណ្តឹងមុនមិនទាន់បាត់ក្តៅផង ពេលនេះ Gatick ត្រូវគេប្តឹងលើករណីមួយផ្សេងទៀត

ថ្មីៗនេះរឿងរ៉ាវក្តីរបស់តារាស្រី Tangmo គឺហាក់នៅក្តៅគគុកក្នុងចិត្តអ្នកគាំទ្រ ដោយគ្រប់គ្នាហាក់ចង់ឃើញ ចង់បានភាពយុត្តិធម៌ចំពោះតារាស្រីរូបនេះ ជាពិសេសក្រោយពេលដែលគេបង្វែររឿងក្តី ប្រគល់ទៅឱ្យក្រុមស៊ើបអង្កេតពិសេសកាន់កាប់វិញ។
កាលពីថ្មីៗនេះដែល Gatick ដែលត្រូវជាអ្នកគ្រប់គ្រងរបស់ Tangmo បានចូលខ្លួនសារភាព និង ទទួលដឹងឮពាក្យបណ្តឹង ចោទប្រកាន់ពីបទភូតកុហក។

ស្រាប់តែនៅថ្ងៃទី ១១ ខែមេសា ឆ្នាំ ២០២២ កន្លងទៅនេះ ម្តាយ Tangmo និង មេធាវីការពារក្តី គឺនាយ Decha ក៏បានទៅប៉ុស្តិ៍ប៉ូលិសដើម្បីដាក់ពាក្យបណ្តឹងថ្មីមួយផ្សេងចំពោះ Gatick នោះគឺបទបំផ្លាញភស្តុតាង។

មិនត្រឹមតែប៉ុណ្ណោះ ម្តាយ Tangmo ក៏បានរៀបចំដាក់ពាក្យប្តឹងទៅកាន់អតីតមន្ត្រីប៉ូលិសដែលជាប់ពាក់ព័ន្ធ និង កាន់ក្តីនេះចាស់ផងដែរ ដោយមិនទាន់បានបញ្ជាក់នៅឡើយថាចោទប្រកាន់ពីបទអ្វី។
យ៉ាងណាមិញ គ្រប់ពាក្យបណ្តឹង និង វត្ថុតាងផ្សេងៗ បច្ចុប្បន្ននេះគឺស្ថិតនៅក្រោមការគ្រប់គ្រងរបស់ក្រុមអ្នកស៊ើបអង្កេតពិសេស ដោយចងទុកមួយជុងជាដុំ ដើម្បីរៀបចំបូកសរុបសំណុំរឿង និង រង់ចាំដីកាកោះហៅចូលសាវនាការពីខាងតុលាការថៃ ដែលអាចនឹងធ្វើឡើងបន្ទាប់ពីចូលឆ្នាំហើយ៕

Related posts

Leave a Comment