(វីដេអូ) ក្រោយផ្ទុះវីដេអូ Pre-Wedding ជាមួយ ពេជ្រ សោភា ស្រាប់តែ យ៉ូស្វ៊េ ចេញទម្លាយបែបនេះ

មហាជនអ្នកប្រើប្រាស់បណ្ដាញសង្គម ជាពិសេសអ្នកគាំទ្រវិស័យសិល្បៈសុទ្ធសឹងតែបានជ្រាបពីរឿងរ៉ាវជីវិតស្នេហារបស់ កំពូលតារាចម្រៀង ពេជ្រ សោភា ដែល​មួយ​រយៈ​មុន ​នាងបានបង្ហាញសកម្មភាពស្និទ្ធស្នាលខ្លាំងជាមួយបុរសអាថ៌កំបាំងម្នាក់ ដែលគេស្គាល់ថាជាតារាម៉ូដែលមានរូបរាងខ្ពស់ស្រឡះមានឈ្មោះថា យ៉ូស៊្វេ។

ម្យ៉ាងវិញទៀត ក្រោយបង្ហាញជាសាធារណៈបែបនោះហើយ គេឃើញថា ពេជ្រ សោភា ហាក់កាន់តែបង្ហាញសកម្មភាព ក៏ដូចជាពាក្យសម្ដីសាសងគ្នាយ៉ាងផ្អែមល្ហែម ថែម​ទាំង​ប្រើភាសាបងអូនហៅគ្នាទៀតផង។

ដោយឡែកថ្មីៗនេះ មហាជនកំពុងតែចាប់អារម្មណ៍ និងហាក់ភ្ញាក់ផ្អើលផ្ទុះការចែករំលែកពេញបណ្ដាញសង្គម ​ក្រោយពីឃើញ​រូបភាព ​និង វីដេអូ ​ពេជ្រ សោភា ​និង​ ​តារា​ម៉ូ​ឌែល​រូបនេះ ថត Pre-Wedding ជាមួយគ្នា ​ដែលធ្វើឱ្យអ្នក​គាំទ្រមាន​ការំភើបចិត្ត ​និង សង្ស័យថាអ្នក​ទាំងពីរនឹង​អាចជិតមាន​ដំណឹងល្អផងដែរ។

យ៉ាងណាមិញ ក្រោយពីផ្ទុះចែករំលែករូបភាព និងវីដេអូថត Pre-Wedding របស់ ពេជ្រ សោភា និង ​តារាម៉ូឌែល យ៉ូស្វ៊េ​ បែបនេះ ​គេក៏បានឃើញខាង​​ប្រុសចេញមុខ​​បង្ហោះ​​សារហាក់ស្រាយ​ចម្ងល់មហាជនឱ្យ​បានដឹងថាវីដេអូ ​Pre-Wedding ​នេះ ​លោក និង អ្នកនាង ពេជ្រ សោភា គ្រាន់តែជាការថតស្ពតបង្ហាញគ្រឿងពេជ្រប៉ុណ្ណោះ។

ក្នុងនោះ តារាម៉ូឌែលយ៉ូហ្វេ បានសរសេរថា ៖«ថ្ងៃនេះ ជាថ្ងៃកំណើតខ្ញុំ ខ្ញុំពិតជារំភើបណាស់ ​និង ​ការថតស្ពត​បង្ហាញគ្រឿង​ពេជ្រ អរគុណដល់ ​Idol ​ពេជ្រ សោភា Pich ​Sophea ​Happy My Birthday»៕​


Related posts

Leave a Comment